Yangiliklar

Category Archive Yangiliklar

«ОИТС келажак кушандаси»

Тошкент тиббиёт коллежида ТТА ЁИБТ ва Олмазор маънавият бўлими билан хамкорликда  «ОИТС келажак кушандаси» мавзусидаги маруза бўлиб ўтди. Марузада қатнашганлар:

ТТА ЁИБТ фаоллари Анваров Д.И., Абдурасулов Ш.Р.

ММИБДУ Д.Г. Якубова

БТ ёшлар етакчиси Н.Ф. Махмудхожизода

Коллеж психолог Н.Мусаева

Касаба уюшмаси раиси М.З.Юнусова, 40 нафар коллеж Ўқувчилари қатнашдилар.

ОИТС- КЕЛАЖАК КУШАНДАСИ!!!

TTA талабалари томонидан Чимир-ота қабристонида уюштирилган «ХАШАР»

ТТА талабалари бугун 12-ноябр куни Чимир-ота қабристонига хашар уюштиришди. Хашар Ёшлар иттифоқи етакчилари томонидан уюштирилди. Бундан асосий мақсад ёшларимизда  Ўзбекона қадириятларимизни сақлаган холда Масжиду мадрасаларни тозалигига этибор бериш ва уларни кўкаламзорлаштиришга қаратилган. Хашарга жалб қилинган харбий-хизматчиларимизга ва Ёшлар иттифоқи бошланғич ташкилоти харбий-хизматчилар билан ишлаш етакчисига ўз ташаккуримизни билдирамиз!!!

“ТИББИЁТ ХОДИМЛАРИ КУНИ” КЕНГ НИШОНЛАНДИ!!!

Ўзбекистон Республикаси Биринчи Президенти Ислом Каримов ташаббуси билан 2006 йил 12 сентябрда қабул қилинган “Ўзбекистон Республикаси Тиббиёт ходимлари кунини белгилаш тўғрисида”ги қонунга асосан, мамлакатимизда ҳар йили ноябрь ойининг иккинчи якшанбаси тиббиёт ходимлари байрами сифатида кенг нишонланади.  Шу муносабат билан Тошкент тиббиёт академиясида фаолият кўрсатаётган профессор-ўқитувчилар ва ходимлар учун 2017-йил 8-ноябрь куни Муқимий номидаги мусиқавий драма театрида маънавий – маданий  тадбир тадбир бўлиб ўтди. Тадбир аввалида кўп йиллар таълим ва тиббиёт соҳасида Тиббиёт академиясида самарали фаолият кўрсатган бир гуруҳ ходимлар тақдирландилар.  Кўп йиллик самарали ва ҳалол  меҳнатлари, малакали шифокор ва илмий-педагогик кадрлар тайёрлашда қўшаётган ҳиссаси, ўқув, илмий, маьнавий – маьрифий ишларни такомиллаштириш  устида қатьият билан ишлаб келаётганлиги ҳамда “Тиббиёт ходимлари куни” байрами муносабати билан Ўзбекистон Республикаси Соғлиқни Сақлаш Вазирлигининг “Ўзбекистон Республикаси  Соғликни сақлаш аълочиси” кўкрак нишони ва вазирликнинг фахрий ёрлиқлари билан, жумладан, “Ўзбекистон Республикаси Соғлиқни сақлаш аълочиси” кўкрак нишони – тиббий педагогика факультети декани, профессор Ҳамраев Аброр Асрорович, Ўзбекистон Республикаси Соғлиқни сақлаш вазирлигининг фахрий ёрлиғи билан юқумли ва болалар юқумли касалликлари кафедраси доценти – Обидов Акрам Бўриевич ва Атроф мухит ва гигиенаси кафедраси катта ўқитувчиси – Шарипова Сожида Ахметжоновналар; Ўзбекистон Республикаси Олий ва ўрта маҳсус таълим вазирлигининг фахрий ёрлиқлари билан хамширалик иши кафедраси мудири, профессор Разикова Илмира Садуллаевна, Олий ҳамширалик факультети декани, тиббиёт фанлари доктори – Боқиева Шахло Ҳамидуллаевна, 1-болалар касалликлари кафедраси доценти – Миррахимова Мактуба Ҳабибуллаевналар; Ўзбекистон Республикаси Соғлиқни сақлаш ходимлари марказий кенгашининг фахрий ёрлиғи ва совғалари билан – № 1-травматология, ортопедия, ҳарбий дала жарохлиги кафедраси мудири, профессор – Каримов Муродулло Юлдашевич, Анатомия ва клиник анатомия кафедраси катта ўқитувчиси Ҳасанов Носир  Абдусолиевич, Микробиология, вирусология ва иммунология кафедраси доценти – Алиев Шавкат Рўзиматович, Факультет ва госпитал хирургия кафедраси доценти, тиббиёт фанлари доктори-Ирназаров Акмал Абдуллаевич, Клиник фармакология кафедраси профессори- Зуфаров Пўлат Соатович, Факультет ва госпитал терапия кафедраси мудири- Жабборов Азим Атахановичлар тақдирландилар.

Тадбирга йиғилганларга Муқимий номидаги мусиқавий драма театри жамоаси томонидан “Олифта” номли спектакль томошасини тақдим этилди.

Talabalar o’rtasida anketa o’tkazish

Tags

Diqqat Online Muloqot!!!

 

Kengash raisi bilan otkaziladigan ochiq muloqotda qatnashing!

Til o’rganishni hohlaysizmi?

E’LON…

Read More

“Yoshlar” tarifi — orzularimiz haqida suhbatlashamiz!

http://reg.yi.uz

Sayti orqali a’zo boling va «Yoshlar» tarifiga ulaning.

ТТА Ёшлар иттифоқи БТнинг кенгаш аъзолари очиқ мулоқот бўлиб ўтди.

ТТА Ёшлар иттифоқи БТнинг кенгаш аъзолари билан маънавият ва маърифат ишлари бўйича проректор Т.А.Бобомуратов билан очиқ мулоқот бўлиб ўтди.

Ёшлар – келажак бунёдкори

Маълумки, Ўзбекистон Республикаси Президенти Ш.М.Мирзиёев 2017 йилнинг 30 июнидаги “Камолот” ЁИҲ бошланғич ташкилотининг 4-қурултойида иштирок этдилар ва бошлангич ташкилот фаолиятига баҳо бердилар. Қурултойда ташкилот ёшларни манфаатларини тўлақонли ҳимоя қила олмаганлиги сабабли Ўзбекистон Ёшлар иттифоқини ташкил қилишни таклиф этдилар. Президентимизнинг бу таклифини Ўзбекистон ёшлари кўтаринкилик билан қабул қилишди. Шу муносабат билан 2017 йил 5 июлда ПФ-5106 “Ёшларга оид давлат сиёсати самарадорлигини ошириш ва Ўзбекистон Ёшлар иттифоқининг фаолиятини қўллаб-қувватлаш борасидаги фармони ва 18 июлдаги ПҚ 3138 сонли “Ўзбекистон Ёшлар иттифоқи фаолиятини такомиллаштиришга доир чора-тадбирлар тўғрисида”ги қарорлар қабул қилинди. Шу муносабат билан Тошкент тиббиёт академиясида 12 сентябр фаол ёшлар билан биргаликда Ёшлар иттифоқи бошлангич ташкилотини ташкил этиш таъсис йиғилиши бўлиб ўтди. Бу таклифни Академия ёшлари бир овоздан қабул қилишди. Шундан сўнг академияда сайловлар бўлиб ўтди. 10 сентябрдан 15 сентябргача Ёшлар иттифоқи бошлангич ташкилотининг гуруҳ етакчилари сайловлари, 15 сентябдан 18 сентябргача Ёшлар иттифоқи бошлангич ташкилотининг факультет етакчилари ва 19 сентябрда академия ёшлар иттифоқи БТга етакчилигига кўп номзодлилик, ошкоралик ва шаффофлик асосида сайлови ўтказилиб, номзодларни тарғибот қилишлари учун академия маъмурияти томонидан барча шарт-шароитлар яратиб берилган эди.

Бу борада етакчиларнинг бугунги кундаги фаолияти билан яқиндан ўртоқлашиш мақсадида 2017 йил 19 октябр куни ТТА да маънавият ва маърифат ишлари бўйича проректор Т.А.Бобомуратов 2017 йил 5 июлда ПФ-5106 “Ёшларга оид давлат сиёсати самарадорлигини ошириш ва Ўзбекистон Ёшлар иттифоқининг фаолиятини қўллаб-қувватлаш борасида”ги фармонининг ижроси юзасидан Тошкент тиббиёт академияси Ёшлар иттифоқи БТнинг етакчилари билан очиқ мулоқот тарзидаги учрашув бўлиб ўтди.

Учрашувда, ТТА Ёшлар иттифоқи БТнинг фаолларидан фикр ва мулоҳазалар ўртоқлашиб, жумладан:

Ўзбекистон Ёшлар иттифоқи 2017 йил 22 августдаги 39 сонли, Ўзбекистон ёшлар иттифоқи марказий кенгашининг 2017 йил 22 августдаги 10-сонли қўшма қарорига 2-иловасида қайд қилинган тузилмага асосан 13 та йўналиш ва раис билан 14 нафар етакчидан иборат кенгаш таркибида ишни бориш тартиби ва шаклланиш жараёни ҳусусида;
ТТАдаги Ёшлар иттифоқи БТнинг тармоқлардаги етакчиларини савияси ва лидерлик қобилиятларини яна бир бор кўриб чиқиш ва масъулиятлилик ҳиссини ошириш даражасини ўрганиш ҳусусида сўз юритилди.
ТТА Ёшлар иттифоқи БТнинг фаоллари маънавият ва маърифат ишлари бўйича проректор Т.А.Бобомуратов саволлар ва муаммолар бўйича мурожаат қилдилар.

Мулоқот давомида Ёшлар етакчилари томонидан ёшларининг бўш вақтини самарали ташкил этиш, тўгараклар тармоғини ривожлантириш, дарсликлар, хуқуқий ва бадиий адабиётлар таъминланган ахборот-ресурс марказларини ташкил этиш, замонавий спорт залларини барпо этиш борасида таклифлар билдирилди.

Шу билан бирга, баркамол ва соғлом авлодни вояга етказиш, уларни миллий қадриятларимизга ҳурмат руҳида тарбиялаш ва бандлигини таъминлаш борасида Олий таълим билан ёшлар иттифоқи ташкилотининг ҳамкорликда ишлаши таклифи берилди.

Ёшлар иттифоқининг фаоллари томонидан билдирилган таклиф ва мулоҳазалар муҳокама қилинди.

«Ёшлар иттифоқи» стипендияси таъсис этилди

«Ўзбекистон Ёшлар иттифоқи» Марказий Кенгаши барча олий таълим муассасаларида таҳсил олаётан бакалавр ҳамда магистр босиқичидаги талабалар учун ижтимоий-сиёсий, маънавий ва ҳуқуқий саводхонлиги ҳамда ижтимоий фаоллигига қараб бериладиган рағбатлантирувчи «Ёшлар иттифоқи» стипендияси таъсис этилганини маълум қилди.

Мазкур стипендия йилнинг ўн ойи давомида тўлаб бериладиган тўлов шаклида ташкил эитилиб, унинг миқдори ЭКИҲ икки баробари этиб белгиланди. Стипендия Низоми бандларида айтилишича, «Ёшлар иттифоқи” стипендиянти бўлиш учун фақат олий таълим муассасаларида таҳсил олувчи Ўзбекистон Республикаси фуқароси бўлган талабалар ўз ҳужжатларини тақдим этишлари шарт.

Номзодларга ҳужжатларни 2 курсдан бошлаб топширишга рухсат этилади. Шунингдек, номзодларнинг ҳужжатлари ўтган ўқув йилида яхши ва аъло баҳоларга ўзлаштирган тақдирда қабул қилинади.

Низомда «Ёшлар иттифоқи» стипендиясига танлов уч босқичда ташкил этилиши назарда тутилган:

Биринчи босқичда, номзодларни анкета ва ҳужжатлари Иттифоқнинг олий таълим муассасаларидаги бошланғич ташкилотларида ҳар ўқув йилининг 3о-октябрига қадар қабул қилинади. Номзодлар ҳужжатларини олий таълим муассасаларидаги бошланғич ташкилотнинг Ёшлар Кенгаши кўриб чиқади ҳамда муносиб номзодларни ўқув йилининг 15 ноябрига қадар Иттифоқнинг туман (шаҳар) Кенгашларига тақдим этади.

Номзодларнинг ҳужжатлари туман (шаҳар) Кенгашлари томонидан кўриб чиқилиб, сараланган номзодлар ўқув йилининг 1 декабрига қадар Иттифоқнинг ҳудудий Кенгашларига тақдим этилади.

Иккинчи босқич – саралаш босқичи бўлиб, мазкур босқичда Иттифоқнинг ҳудудий Кенгаши қошида ишчи гуруҳ тузилиб, ҳудуддаги барча олий таълим муассасаларидан келган номзодларнинг ҳужжатлари ўрганиб чиқилади ва уларнинг ижтимоий-сиёсий, маънавий-ҳуқуқий саводхонлигини аниқлашга қаратилган тест имтиҳонларидан юқори балл тўплаган ҳар бир олий таълим муассасаларидан 5 нафаргача муносиб номзодлар саралаб олинади.

Номзодлар Иттифоқ томонидан таъсис этилган лойиҳаларга таклифи ҳамда инновацион ғоясини давлат тилида 250-350 сўздан иборат иншо шаклида ёзиб тақдим этади (бунда давлат тилини билиш даражаси инобатга олинади).

Учинчи босқич – якуний босқич бўлиб, мазкур босқичга йўлланма олган иштирокчиларнинг ижтимоий-сиёсий, маънавий-ҳуқуқий саводхонлиги ҳамда лойиҳа тақдимоти баҳоланади. Марказий Кенгашнинг йўналишлар бўйича бўлим мудирларидан ташкил этилган ишчи гуруҳ томонидан номзоднинг ижтимоий-сиёсий, маънавий-ҳуқуқий саводхонлиги ҳамда лойиҳаси тақдимотига қаратилган суҳбат ташкил этилади. Суҳбат натижаларига кўра муносиб деб топилган ҳамда баҳолаш натижаларига кўра юқори балл тўплаган номзодлар «Ёшлар иттифоқи» стипендияси соҳиби деб топилади.


Олий таълим муассасалари талабалари учун

“Ёшлар иттифоқи” стипендияси танлови

Н И З О М И 

I. Умумий қоидалар

1.1. “Ёшлар иттифоқи” стипендияси – барча олий таълим муассасалари талабалари (бакалавр, магистр)га ижтимоий-сиёсий, маънавий ва ҳуқуқий саводхонлиги ҳамда ижтимоий фаоллигига қараб бериладиган рағбатлантирувчи мукофотдир.

1.2. “Ёшлар иттифоқи” стипендияси талабаларнинг Иттифоқ фаолиятида эришган энг юқори натижаси ва ютуғи сифатида эътироф этилади.

1.3. “Зулфия” мукофоти, “Келажак бунёдкори” медали, номдор давлат стипендияси (даражаси жиҳатидан мазкур стипендиядан юқори туриши, шунингдек, “Ёшлар иттифоқи” стипендияси иқтидорли ёшларни кашф этиш ва қўллаб-қувватлашга қаратилишини инобатга олиб) совриндорлари мазкур танловда иштирок этиши мумкин эмас.

1.4. “Ёшлар иттифоқи” стипендияси йилнинг ўн ойи давомида тўлаб бориладиган тўлов бўлиб, стипендиянинг ойлик миқдори энг кам иш ҳақининг икки баравари миқдорида белгиланади.

II. “Ёшлар иттифоқи” стипендиясининг мақсад ва вазифалари 

Иттифоқнинг олий таълим муассасалари талабалари орасига янада чуқурроқ кириб боришини таъминлаш ва таъсирини ошириш, талабаларнинг ёшлар иттифоқи фаолиятига интилишини кучайтириш.

Олий таълим муассасалари талабаларининг жамоат ишлари ва иттифоқ фаолиятидаги фаоллиги, ташаббускорлигини рағбатлантириш.

Иттифоқ фаолиятини кучайтиришда талабаларнинг иқтидори, илмий салоҳияти, фаоллиги ва шижоатидан унумли фойдаланиш.

 III. “Ёшлар иттифоқи” стипендияси танловини ташкил этиш

3.1. “Ёшлар иттифоқи” стипендияси танловида республикадаги барча олий таълим муассасаларининг талабалари иштирок этиши мумкин.

3.2. “Ёшлар иттифоқи” стипендияси танлови уч босқичда ташкил этилади:

Биринчи босқич – иштирокчиларни анкета ва ҳужжатларини қабул қилиш босқичи бўлиб, бунда иштирокчиларнинг ҳужжатлари Ёшлар иттифоқининг олий таълим муассасаларидаги бошланғич ташкилотларида ўқув йилининг 30 октябрига қадар қабул қилинади.

Анкеталар Ўзбекистон ёшлар иттифоқининг олий таълим муассасаларидаги бошланғич ташкилотлари Кенгашида қабул қилинади.

Танловда қатнашишга муносиб кўрилган ҳужжатлар олий таълим муассасаларидаги бошланғич ташкилот етакчиси томонидан ўқув йилининг
15 ноябрига қадар Ўзбекистон ёшлар иттифоқининг туман Кенгашларига тақдим этилади.

Танлов иштирокчиларининг ҳужжатлари туман Кенгашлари томонидан ўқув йилининг 1 декабрига қадар Иттифоқнинг ҳудудий Кенгашларига тақдим этилади.

 

Танловда иштирок этиш учун қуйидаги ҳужжатлар тақдим этилади:

– танлов анкетаси;

– фуқаролик паспорти нусхаси;

– 2 дона (3х4 ҳажмдаги) расм;

– Ўзбекистон ёшлар иттифоқининг олий таълим муассасаларидаги бошланғич ташкилот етакчиси ҳамда Иттифоқнинг туман Кенгаши раисидан тавсифий-тавсиянома;

– иштирокчининг иқтидори ва фаоллигини кўрсатувчи ҳужжатлар (фахрий ёрлиқ, диплом, сертификат ва бошқа);

– иштирокчининг фаоллиги ва иқтидорини кўрсатувчи илмий-публицистик материаллар (тўпламлар ёки матбуотда чиққан илмий мақоласи, тезислари, публицистик мақоласи);

– иштирокчининг Ўзбекистон ёшлар иттифоқи томонидан таъсис этилган лойиҳаларга таклифи ҳамда инновацион ғояси (чоп этилган ҳолда).

Иккинчи босқич – саралаш босқичи бўлиб, мазкур босқичда Ҳаракатнинг Ҳудудий Кенгаши қошида ишчи гуруҳ тузилиб, ҳудуддаги барча олий таълим муассасаларидан келган иштирокчиларнинг ҳужжатлари ўрганиб чиқилади ва иштирокчиларнинг ижтимоий-сиёсий, маънавий-ҳуқуқий саводхонлигини аниқлашга қаратилган тест имтихонларидан юқори балл тўплаган ҳар бир олий таълим муассасаларидан 5 нафаргача муносиб номзодлар саралаб олинади.

Иштирокчилар Ўзбекистон ёшлар иттифоқи томонидан таъсис этилган лойиҳаларга таклифи ҳамда инновацион ғоясини давлат тилида 250-350 сўздан иборат иншо шаклида ёзиб тақдим этади (бунда давлат тилини билиш даражаси инобатга олинади).

Учинчи босқич – якуний босқичи бўлиб, мазкур босқичга йўлланма олган иштирокчиларнинг ижтимоий-сиёсий, маънавий саводхонлиги ҳамда лойиҳа тақдимоти баҳоланади. Ишчи гуруҳ томонидан номзоднинг ижтимоий-сиёсий, маънавий саводхонлиги ҳамда лойиҳаси тақдимотига қаратилган суҳбат ташкил этилади. Суҳбат натижаларига кўра муносиб деб топилган ҳамда баҳолаш натижаларига кўра юқори балл тўплаган талабалар “Ёшлар иттифоқи”стипендияси соҳиби деб топилади.

“Ёшлар иттифоқи” стипендияси соҳиблари рўйхати Иттифоқнинг Марказий Кенгаши Ижроия Қўмитаси мажлиси қарори билан тасдиқланади ва оммавий ахборот воситаларида эълон қилинади.

3.3. Танловнинг барча босқичларида белгиланган муддатдан кечикиб тақдим этилган ҳужжатлар қабул қилинмайди, шунингдек, тақдим этилган ҳужжатлар қайтариб берилмайди.

3.4. “Ёшлар иттифоқи” стипендияси соҳиби бўлган талабалар танловда такроран иштирок этиши мумкин эмас.

IV. Совриндорлари билан узлуксиз ишлаш ва уларни рағбатлантириш

“Ёшлар иттифоқи” стипендияси совриндорлари ўзлари билдирган таклиф ва инновацион ғоялардан келиб чиқиб, қуйидаги координаторлик гуруҳларига ажратилади ҳамда туман ҳудудидаги ёшлар ўртасида лойиҳаларни юқори савияда ўтказилишига масъул ҳисобланади:

Ижтимоий ҳимоя ва ҳуқуқий лойиҳа координаторлари – таълим муассасалари, болалар оромгоҳлари, корхона, ташкилот ва муассасалар, фермер хўжаликлари, ҳарбий қисмлар ҳамда маҳаллаларда ёшларга оид давлат сиёсатида белгиланган вазифалар ижросини таъминлашга қаратилган лойиҳаларни ташкил этиш ва ўтказиш бўйича ишлар олиб боради.

Маънавий ва маърифий лойиҳалар координаторлари – таълим муассасалари, болалар оромгоҳлари, корхона, ташкилот ва муассасалар, фермер хўжаликлари, ҳарбий қисмлар ҳамда маҳаллаларда ёшлар маънавиятига салбий таъсир қилувчи зарарли ғоялар, диний оқимлар, иллатларга қарши ёшлар онгида иммунитет ҳосил қилуви лойиҳаларни  ташкил этиш ва ўтказиш бўйича ишлар олиб боради.

Спорт, саломатлик ва экологик маданият лойиҳалари координаторлари – таълим муассасалари, болалар оромгоҳлари, корхона, ташкилот ва муассасалар, фермер хўжаликлари, ҳарбий қисмлар ҳамда маҳаллаларда ёшлар ўртасида спорт, соғлом турмуш тарзи, ёшларнинг экологик маданиятини ривожлантиришга оид лойиҳаларни ташкил этиш ва ўтказиш бўйича ишлар олиб боради.

Тадбиркорлик ва туризм лойиҳалари координаторлари – барча таълими муассасаларида ёшлар учун экотуризм ёки туризм соҳасидаги ғояларини қўллаб-қувватлаш, тадбиркорлик, кичик бизнес учун яратилган имкониятлардан фойдаланишга йўл очадиган лойиҳаларни ташкил этиш ва ўтказиш бўйича ишлар олиб боради.

Инновацион ғоялар ва IТ лойиҳалари координаторлари – барча таълим муассасалари ва маҳаллалардаги уюшмаган ёшлар учун робот техника, инновацион технологиялар, замонавий ахборот коммуникацион технологияларидан кенг фойдалишни таъминлашга қаратилган лойиҳаларни ташкил этиш ва ўтказиш бўйича ишлар олиб боради.

Совриндорларни рағбатлантириш тартиби:

“Ёшлар иттифоқи” стипендияси совриндорлари “Йил талабаси” танловида иштирок этиш ҳуқуқини қўлга киритади ҳамда ҳудуд миқёсидаги танлов ғолиби “Келажак бунёдкори” медалини олишга номзод сифатида тавсия этилади.

“Ёшлар иттифоқи” стипендияси совриндорларига улар кейинги фаолияти давомида ҳам Иттифоқ фаолиятида фаол иштирок этган тақдирда йилнинг ўн ойи давомида энг кам иш ҳақининг икки баравари миқдорида стипендия тўлаб берилади.

“Ёшлар иттифоқи” стипендиси совриндори бўлган, устама иш ҳақи тўланадиган Ўзбекистон ёшлар иттифоқининг бошланғич ташкилот етакчиларига стипендия тўланмайди.

Совриндор кейинги фаолияти давомида Иттифоқ фаолиятида фаол иштирок этмаса Иттифоқнинг туман Кенгаши тақдимига биноан унга стипендия тўлаб бориш тўхтатилади ва “Ёшлар иттифоқи” стипендияси совриндорига берилган гувоҳнома бекор қилинади.

“Ёшлар иттифоқи” стипендияси совриндорларига тўлаб бориладиган стипендия учун маблағ Ўзбекистон ёшлар иттифоқининг Марказий Кенгаши ҳисобидан ажратилиб, ҳудудий Кенгашлари орқали тўлаб борилади.

Совриндорларга стипендия тўлаб бориш тўхтатилган тақдирда, улар учун ажратилган маблағ Ўзбекистон ёшлар иттифоқининг Марказий Кенгашига қайтарилади.


ТТА Ёшлар иттифоқи БТ етакчиси Мавлянов С.И.